અમિ ઝરણાં- ગમતી કાવ્ય પંક્તિઓ -3

  • સ્નેહ રહે ઊંડાણમાં,ઉપર નહિ દેખાય
    પણ છોળે થી ઊછળે જો કદી શારણ થાય
                                          હરિહર ભટ્ટ્
  • સરવાળો સત્કર્મનો,ગુણનો ગુણાકાર
    બાદબાકી બુરાઇની,ભ્રમનો ભાગાકાર
                                     જયંત પાઠક
  • આપણે આપણી રીતે રહેવું,
    ખડક થવુ હોય તો ખડક,
    નહીં તો નદીની જેમ નિરાંતે વહેવું
                                 સુરેશ દલાલ
  • ખોબો ભરીને અમે એટલું હસ્યાં
    કે કુવો ભરીને અમે રોઇ પડ્યાં
                           જગદીશ જોશી
  • જીવન તો ફુગ્ગામહીં સ્થિર થયેલી ફૂંક
    ફુગ્ગો ફુટતાં વાયરે ભળી જાય થૈ મૂક
                                    અનીલ જોશી
  • ઘેરી લિયે કંટક છો ગુલાબને
    ન આંચ આવે કશીયે સુવાસને
                                      અજ્ઞાત
  • કડવા હોયે લીમડા, પણ શીતલ એની છાંય
    બાંધવ હોયે અબોલડા, તોય પોતાની બાંય
                                                  અજ્ઞાત

  • હસી લો ખુબ કિંતુ રાખજો રોવાની તૈયારી
    હસી તો અલ્પ જીવી લહર છે ગમનાં સમુંદરની
                                                           અજ્ઞાત
  • This entry was posted in કવિતા, પ્રકીર્ણ. Bookmark the permalink.