ચગડોળ છે જિંદગી..

giantwheel.jpg

ઘણું બધુ થાય પણ નયને, આંસુ ન સરે,
ચચરાટ ને ઉકળાટ ઘણો, શાતા ન મળે

હળાહળ ઝેર પીતા શીવને ઉમા આણ છે
હું તો સીધો માણસ મને તો તે ઝેર નડે

સમુદ્ર મંથને નીકળે ઘણું, ખબર ન પડે
મેરુ બની કેમ ફર્યા કરુ શેષનાગની ધરે

ખુટતી જાય છે જીવન ક્ષણો ક્ષણે ક્ષણે
છતા ચિત્ત ચઢ્યા કરે દ્વિધાની અવઢવે

સમજાય ના ઓ ઇશ તુ કરવા શું ચહે
સ્વીકારી લઉં સુખ દુ:ખ પ્રસાદી સ્વરુપે?

આજ છે અજંપ ઘણી,કાલની ના ખબર
ચગડોળ છે જિંદગી ચાલે ઉંચે નીચે ફરે

This entry was posted in કવિતા, તમે અને મારું મન. Bookmark the permalink.

0 Responses to ચગડોળ છે જિંદગી..

  1. પામ્યે પ્રસન્નતા તેનાં દુઃખો સૌ નાશ પામતાં;
    પામ્યો પ્રસન્નતા તેની બુધ્ધિ શીઘ્ર બને સ્થિર. (ભ.ગીતા અધ્યાય 2 શ્લોક 65)
    આ શ્લોકને વાગોળીને પચાવવાનો પ્રયત્ન કરવાથી પછી જિંદગી ચગડોળ નહીં લાગે

  2. સુરેશ જાની says:

    સરસ રચના.

  3. સુંદર રચના…

  4. Dr. Chandravadan Mistry says:

    I LIKED THE POEM>……

  5. pravinash1 says:

    That is true. In the blink of an eye You are up or down

  6. vijayshah says:

    આભાર!
    સુરેશભાઈઅને ડો વિવેક્ભાઈ
    સુધારા સ્વીકારી લીધા